Kreativitet og vurdering i ungdomsskulen

I samarbeid med Statsforvaltaren i Nordland arrangerer vi nettseminar om kreativitet og vurdering i ungdomsskulen.

Hilde Hermansen, seniorrådgivar ved Nasjonalt senter for kunst og kultur i opplæringa, og musikklærar på ungdomstrinnet, Audun Mathisen Anvik, vil belyse:

• Kva er kreativitet og kreative ferdigheiter? Og kva forstår du med omgrepet kreativitet?
• Kvifor er kreative ferdigheiter viktige?
• Korleis kan vi vurdere kreative ferdigheiter?
• Forsking og konkrete modellar du kan bruke i eigen praksis.
• Kreativitet i musikkfaget.

Det vil bli moglegheit til tankar, refleksjonar og spørsmål undervegs og på slutten. Nettseminaret vil bli tatt opp.

Dato: måndag 12. mai 2025, kl. 14.00-15.00
Stad: Digitalt – Teams

Målgruppe: Lærarar i kunst og handverk og musikk på ungdomstrinnet, lærarar og leiarar på ungdomstrinnet, samt andre interesserte.

Det er ingen påmelding, du deltek ved å klikke på lenkja på arrangementssida hos Statsforvaltaren i Nordland (ekstern lenkje).