Illustrasjon: Hilde Hermansen
Konstruer og dekorer eit hjarte
Hjartet er fullt av symbolikk, men vi kan òg sjå på det som ei rein geometrisk form. Kvadrat, sirklar, halvsirklar, likesida og likebeinte trekantar er geometriske former elevane kjenner frå matematikken. I eit samarbeid mellom kunst og handverk og matematikk kan elevane konstruera og dekorera ulike hjarteformer.
Tekst, illustrasjoner og foto: Hilde Hermansen, seniorrådgiver, KKS
Opplegget utfordrar elevane både når det gjeld å vera nøyaktige og tolmodige, samtidig som leiken og det kreative blir stimulert. I døma som følgjer er det vist nokre moglege måtar å konstruera og dekorera hjarteformer på. Dekoren er utført med ulike materiale og teknikkar, men her er det berre fantasien som set grenser.
Konstruksjon av hjarteformar
Her er det vist fire ulike måtar å konstruera eit hjarte på, men det finst fleire. For nokre elevar vil det vera gøy å utforska nettopp dette med konsktruksjon og geometri litt meir.
Dekorer hjarteforma
Tilpass val av reiskap og teknikkar til kva den enkelte har lyst til og meistrar.
I døma under er det brukt svart tusj, farga tusj, fargeblyantar og ulike papirtypar til collage. Hjarta under er tenkt som postkort, og storleiken er tilpassa dette.
